الحدیبیہ ٹرسٹ کےماتحت وفاق المدارس کے الحاق کے ساتھ الصفہ لتحفیظ القرآن قائم کیا گیا ہے جس میں معیاری تعلیم و تربیت کے ساتھ ساتھ بہترین سہولیات فراہم کی گئی ہیں۔ ٹرسٹ کے ماتحت خواتین کی دینی تعلیم و تربیت کے لیے مدرسہ عائشہ صدیقہ للبنات کا قیام عمل میں لایا گیا ہے جہاں دینی تعلیم کے ساتھ امور خانہ داری ،سلائی کڑھائی،کھاناپکانے وغیرہ کی بنیادی تربیت بھی دی جاتی ہے۔

اس شعبہ میں علمی اور دینی موضوعات پر کتابوں کی تالیف اور ترجمہ کا اہتمام کیا جاتاہے۔علماء    کی ایک جماعت  مختلف تحقیقی و تعلیمی کاموں میں  مصروف عمل ہے۔درسی کتب کے علاوہ معاملات،معاشرت،اخلاق و عام دلچسپی کے موضوعات پر کتابیں ،رسائل اور بروشرز وغیرہ تیار کیے جاتے ہیں۔ بچوں کے نام رکھنے کے لیے حضرات صحابہ کرام رضوان اللہ تعالیٰ علیہم اجمعین کے مبارک ناموں اور آداب و مسائل پر مشتمل دائرۃ المعارف(انسائیکلوپیڈیا) “خزینۃ الاسماء” کے نام سے چھپ کر آچکا ہے ۔اس کے علاوہ سوشل میڈیا کے ذریعے  مختصر دینی پیغامات کا سلسلہ بھی جاری  ہے ،,جس میں روزانہ کی بنیاد پر دین کے بنیادی شعبہ جات  یعنی   عقائد،عبادات،معاملات ومعاشرت اور اخلاق  کےعنوانات پر قرآنی آیات،مستند احادیث، شرعی مسائل وغیرہ کے ذریعے  دینی رہنمائی کی جاتی ہے ۔

  درج ذیل  لنک کے ذریعے اس گروپ میں شامل ہوا جاسکتا ہے 

گروپ 1

https://chat.whatsapp.com/BjsNRnaJETuGnqDBnXMZK9

گروپ 2:

https://chat.whatsapp.com/BhPWcEXvusH6hHMx6HREf

مختلف شعبہ ہائے زندگی مثلا   تجارت،زراعت،صناعت اور ملازمت  وغیرہ سے متعلق  افراد کی دینی رہنمائی کے لیےٹرسٹ کے ماتحت  خصوصی نشتوں کا انعقادکیا جاتا ہے ،جس میں ملٹی میڈیا پروجیکٹر پریزنٹیشنز کی مدد سے ان شعبوں کی مروجہ صورت حال کے اعتبار سے مکمل رہنمائی فراہم کرنے کی کوشش کی جارہی ہے۔ اس قسم کے کورس عام طور پر 10 تا 12 نشستوں پر مشتمل ہوتے ہیں اور شرکاء کی تعداد اوسطاً 50 تا 60 ہوتی ہے اور شرکاء سے کوئی فیس نہیں لی جاتی۔کوورس مکمل کرنے والوں کو سرٹیفکیٹ بھی جاری کیا جاتا ہے۔

ہر سال لاکھوں  لوگ حج و عمرہ کی سعادت حاصل کرتے ہیں ،  ان عظیم عبادات کو ان کی روح کے ساتھ ادا کرنے کے لئے  ٹرسٹ کے کے زیرِ اہتمام ہرسال تین روزہ حج تربیت کورس منعقدکیا جاتا ہے ،  جس میں مناسکِ حج کی بصری تربیت ملٹی میڈیا پریزینٹیشن کیساتھ آسان انداز میں  دی جاتی ہے ،حجاج کرام کوطہارت و نماز کے بنیادی مسائل بھی سکھائے جاتے ہیں ۔ اس کورس کی انفرادیت  یہ ہے کہ یہاں  صرف حج کے ظاہری اعمال کی تربیت نہیں دی جاتی بلکہ   حج کا مقصد اور نیت  درست کروانے کے ساتھ ساتھ حج کے فضائل کے ذریعے حج کا شوق اور ولولہ پیدا کیا جاتا ہے ،زیارتِ حرمین کے فضائل جب بصری تربیت گاہ میں ملٹی میڈیا اسکرین پر  ظاہر کرکے بیان  ہوتے ہیں تو سامعین میں حاضری کی تڑپ پیدا ہوتی ہے ۔کورس کے اختتام پر ضروری مسائل کا خلاصہ ، دعاؤں وغیرہ کے پمفلٹ تقسیم کیے جاتے ہیں۔

عمرہ زائرین کے لئے تربیت کاانتظام  جامع مسجد تقویٰ ہسپتال روڈ میں کیاگیا ہے ، جس کی پیشگی تاریخیں  اس ویب سائٹ پر اور ٹرسٹ کے سوشل میڈیاپیجز پر دستیاب ہوں گی اور مستقبل میں یہ سلسلہ شہر ومضافات  کی دیگر مساجد میں بھی انشاءاللہ شروع کردیاجائے گا  ۔

اس عنوان کے تحت درج ذیل پروگرام ترتیب دے گئے ہیں :

ضرورت مند طلبہ و طالبات کے لیے وظائف:

دینی و عصری ضرورت مند طلبہ و طالبات کو اس فنڈ کے ذریعہ وظائف جاری کیے جاتے ہیں ۔

بیواؤں و یتیموں کی کفالت:

ماہانہ بنیاد پر ایسے ضرورت مندوں کی امداد کا سلسلہ جاری کیاجاچکاہ ہے،نیز غریب گھرانوں کی بچیوں کی شادی کے سلسلہ میں معاونت بھی حسبِ ضرورت کی جارہی ہے،الحدیبیہ ٹرسٹ  معاشرے کےان  پسے ہوئے طبقات کی منفعت کے لیے انہیں مدد و تعاون فراہم کرنے کے لیے کوشاں ہے۔ ٹرسٹ کا یہ شعبہ معاشرے کے خوشحال طبقے کے ساتھ مل کرمذکورہ  متاثرہ و بدحالی میں مبتلا طبقے کو عزت واحترام کے ساتھ خوشحال زندگی گذارنے کے لیےکفالت و اعانت فراہم کرتا ہے۔
اس منصوبے کے تحت 2022 تا 2023 ماہانہ 10 گھرانوں میں راشن کی تقسیم کا ہدف مقرر کیا گیا ہے

محتاجوں اور ضرورت مندوں کی خبر گیری :

قدرتی آفات و حادثات کی صورت میں امداد باہمی کا ایک مربوط نظام قائم کیاجاتاہے،جس میں ضرورتمندوں کی نشاندھی اور ان کی ضروریات کا جائزہ لے کرپورا کرنے کی ترتیب بنائی جاتی ہے ،اہل ثروت احباب کو اس سلسلے میں متوجہ کیاجاتاہے۔

الحدیبیہ ٹرسٹ کے ماتحت طلبہ واساتذہ اور دیگر عملہ کے لیے علاج معالجہ کا انتظام کیاگیاہے،ابتدائی طبی امداد کے علاوہ ضرورت پیش آنے پر مختلف ماہر ڈاکٹروں اور اطباء سے علاج کے لیے کلینک یاہسپتال میں علاج معالجہ کی سہولت بھی مہیا کی جاتی ہے ۔جدید سہولیات سے آراستہ ہسپتال کا انتظام بھی زیرِ غور ہے ، جس میں مروجہ ایلوپیتھی معالجین کے ساتھ ساتھ یونانی اور ہومیوپیتھی طریقہ علاج کے ماہر اطباء کے ذریعے علاج معالجہ کی سہولیات کا انتظام ہوگا۔اس سلسلے میں جگہ کے حصول کی کوششیں کی جارہی ہیں ، جلد ہی  یہ سلسلہ شروع   ہوجائے گا ، انشاء اللہ 

2022-23 میں ھسپتال کے لیے زمین کے حصول کا ہدف مقرر کیا گیا ہے۔

الحدیبیہ ٹرسٹ کے  تحت ہرسال عیدالاضحیٰ کے موقع پر سنت ابراھیمی کی ادائیگی کے لیے ’’اجتماعی قربانی ‘‘ کا بہترین انتظام کیاجاتا ہے،تمام تر شرعی ہدایات  کو ملحوظ رکھتے ہوئے جیدعلماء کرام کی زیرنگرانی  قربانی کا فریضہ سرانجام دیاجاتا ہے،اس اجتماعی قربانی میں اندرون اور بیرون شہر کے لوگ حصہ لیتے ہیں اور مرتب کردہ شرعی ہدایات کی روشنی میں گوشت کی تقسیم عمل میں لائی جاتی ہے،نیز مستحقین میں بھی گوشت تقسیم کیاجاتاہے۔